Aflonyddu a Dadfeddiannu Anghyfreithlon

Mae'r wybodaeth ar gyfer y dudalen hon yn cael ei datblygu ar hyn o bryd. Os bydd gennych unrhyw ymholiadau ynghylch y wefan hon neu unrhyw wasanaethau y cyfeiriwyd ati ar y wefan, anfonwch e-bost at gwybodaeth@sirgar.gov.uk

Yn ôl y Ddeddf Gwarchod rhag Dadfeddiannu 1977, mae dadfeddiannu tenant heb ddilyn y drefn gyfreithiol gywir yn drosedd. Mae'r ddeddf hefyd yn datgan ei bod yn drosedd i landlord, ei asiant neu unrhyw un aflonyddu ar denant gan fwriadu ei orfodi i adael ei gartref.

Beth fydd yr Adran yn ei wneud?

Gall Swyddog Iechyd yr Amgylchedd geisio datrys y ddadl sydd rhwng y landlord a'r tenant, os bydd hynny’n briodol. Os bydd Swyddog Iechyd yr Amgylchedd yn credu bod digon o dystiolaeth, gall y Cyngor ystyried ymgymryd ag erlyniad troseddol.

Y Cyngor fydd yn ymgymryd â'r erlyniad ac ni fydd rhaid i'r tenant dalu am ddim, er bydd rhaid iddo fod yn bresennol yn y llys i roi tystiolaeth. Os bydd yr erlyniad yn llwyddiannus bydd y landlord yn cael ei ddirwyo neu ei garcharu ac o ganlyniad bydd ganddo hanes troseddu.

Beth yw dadfeddiannu anghyfreithlon ?

Mae dadfeddiannu anghyfreithlon yn digwydd pan fydd preswylydd yn cael ei amddifadu'n anghyfreithlon o'i lety i gyd neu ran o'i lety.

Ymron pob achos mae’n drosedd (anghyfreithlon) i ddadfeddiannu tenant heb fynd i'r llys yn gyntaf.
Mae ceisio dadfeddiannu'n anghyfreithlon yn drosedd.
Nid yw’n gwneud gwahaniaeth p’un ai tenant neu drwyddedai yw’r preswylydd.
Nid yw’n gwneud gwahaniaeth a yw’r tenant wedi torri amodau ei gontract e.e. mae arno rent i'r landlord, nid yw’n caniatáu i'r landlord ddod i mewn i gyflawni atgyweiriadau, neu mae’r cyfnod sefydlog wedi dod i ben.
Hyd yn oed os bydd gan y landlord orchymyn ildio meddiant, mae'n rhaid ei orfodi ynghyd â gwarant beili.

Beth yw Aflonyddu ?

Mae'n drosedd i landlordiaid neu eu hasiantau:

Weithredu mewn ffordd sy'n ymyrryd â llonyddwch a chysur eu tenantiaid.
Tynnu yn ôl y gwasanaethau angenrheidiol i’r bobl sy'n byw yn y llety (mae gwasanaethau angenrheidiol yn cynnwys dŵr, nwy a thrydan, neu lifftiau mewn fflatiau).
Gweithredu mewn ffordd y gwyddent neu y mae ganddynt reswm da dros gredu, y bydd y gweithredoedd hyn yn debygol o beri i'r tenantiaid adael eu cartref neu eu hymatal rhag arfer eu hawliau.
oni bai y gallant brofi bod ganddynt reswm da dros wneud y pethau felly.

Rhai Enghreifftiau o Ddadfeddiannu Anghyfreithlon:

Cael eich atal rhag mynd i mewn i ystafell gan fod y drws ar glo
Nid ydych yn cael mynd i mewn i ystafell a rennir â phobl eraill fel arfer e.e. cegin neu ystafell fyw