Mae’n ofynnol fod pob pwyllgor craffu yn llunio ac yn cyhoeddi rhaglen o waith a gynllunnir yn ystod blwyddyn y Cyngor, sy’n cael ei alw’n ‘Flaenraglen Waith’. Bydd y rhaglen yn cynnwys amryw o faterion ac adroddiadau a fydd yn cael sylw yn ystod y flwyddyn. Fe’i llunnir, gan amlaf, i adlewyrchu’r materion sy’n deillio o flaenraglen waith y Bwrdd Gweithredol.

Datblygir y rhaglen gan yr aelodau o’r pwyllgor craffu ac mae’n hyblyg ei natur fel bod modd i’r pwyllgor ymateb i faterion brys. Bydd y rhaglen hefyd yn adlewyrchu rôl y pwyllgorau craffu o ran monitro perfformiad, datblygu polisïau a gwaith ymchwil. Gellir darllen y rhaglenni gwaith cyfredol 2012/13 trwy glicio ar y cysylltiadau ar ochr dde y dudalen yma.

Yn ystod Mawrth 2013, bydd pwyllgorau craffu’r Cyngor Sir yn cychwyn ar ddatblygu eu blaenraglenni gwaith ar gyfer y cyfnod Mai 2013 i Ebrill 2014. Os oes gennych unrhyw gynigion ynghylch materion yr ydych yn credu y dylsai’r pwyllgorau ystyried, is-lwythwch a chwblhewch y ffurflen ar ochr dde y dudalen yma a’i ddychwelyd i’r: Tîm Craffu ac Ymgynghori, Adran y Prif Weithredwr, Cyngor Sir Caerfyrddin, Adeilad 14, Parc Dewi Sant, Heol Ffynnon Jôb, Caerfyrddin, Sir Caerfyrddin, SA31 3HB

Neu, os mae’n well gennych, gallwch ebostio’r Tîm Craffu ac Ymgynghori: craffu@sirgar.gov.uk

Y dyddiad cau ar gyfer eich awgrymiadau yw’r 30ain o Ebrill 2013.