Caiff y Cyngor ei gynnal gan Gynghorwyr, sy'n cael eu hethol gan y gymuned leol.

Mae'r Cyngor yn cynnwys 74 Cynghorydd etholedig o amrywiaeth o grwpiau Gwleidyddol. Nhw sy'n gwneud y penderfyniadau ac yn cytuno ar bolisïau a blaenoriaethau gwariant y Cyngor. Ar ran y gymuned leol maent yn gwneud penderfyniadau am wasanaethau lleol, cyllidebau, lefel gyffredinol gwasanaethau'r Cyngor a lefel Treth y Cyngor sydd i'w chodi bob blwyddyn.

Chwiliwch ar-lein am eich Cynghorydd.

Etholir pob Cynghorydd i gynrychioli ardal benodol (Ward Etholiadol) ac fel arfer bydd yn gwasanaethu am gyfnod o bedair blynedd (pryd bydd yn rhaid iddynt sefyll eto os ydynt am gael eu hail-ethol).

Mae gan Gynghorwyr nifer o rolau a chyfrifoldebau ac mae angen iddynt gydbwyso anghenion a buddiannau eu cymuned, eu plaid wleidyddol neu eu grŵp ag anghenion trigolion yr ardal yn gyffredinol.

Yn lleol, mae eu gwaith yn cynnwys cynnal cymorthfeydd i helpu pobl leol, cefnogi sefydliadau lleol, ymgyrchu ynghylch materion lleol, datblygu cysylltiadau â phob rhan o'r gymuned, a bod yn arweinyddion cymunedol. Wrth ystyried anghenion y Sir yn gyfan, mae angen iddynt flaenoriaethu pa wasanaethau sydd i'w darparu gan y Cyngor, a lefel y gwasanaethau hynny.

Gallwch gael gwybod pwy yw eich Cynghorydd lleol, ar ba bwyllgorau mae'n gwasanaethu, ac i ba blaid wleidyddol mae'n perthyn.,Os nad ydych yn sicr pwy yw eich Cynghorydd, gallwch chwilio yn y gronfa ddata uchod trwy nodi eich côd post neu eich cyfeiriad.

Mae'r gofrestr o Buddiannau Ariannol ac Eraill a Rhoddion a Lletygarwch y Cynghorwyr yn cael eu cynnal o fewn yr Uned Gwasanaethau Democrataidd yn Neuadd y Sir, Caerfyrddin a gellir eu harchwilio ar gais i:

Colin Davies
Pennaeth Gwasanaethau Democrataidd
Cyngor Sir Caerfyrddin
Neuadd y Sir,
Caerfyrddin.
SA31 1JP
Ffôn: (01267) 224029
E-bost: crdavies@sirgar.gov.uk