Mae'r dudalen hon yn rhoi i chi'r wybodaeth y mae'n rhaid ei rhoi i'r cofrestrydd ar gyfer y cofrestru:

Y plentyn

• dyddiad a man geni; os mai genedigaeth efeilliaid, tripledi ac yn y blaen yw hon, bydd angen amser geni pob plentyn hefyd
• rhyw y plentyn
• yr enw(au) cyntaf a'r cyfenw y'u bwriedir ar gyfer magu'r plentyn

Y tad (lle mae'r wybodaeth hon i'w chofnodi yn y gofrestr)

• enw(au) cyntaf a chyfenw
• dyddiad a man geni
• ei waith ar adeg geni'r plentyn neu, os nad oedd yn gyflogedig yr adeg honno, ei waith diwethaf

Y fam

• enw(au) cyntaf a chyfenw
• cyfenw morwynol os yw'r fam yn briod neu os bu hi'n briod
• dyddiad a man geni
• ei gwaith ar adeg geni'r plentyn neu, os nad oedd yn gyflogedig yr adeg honno, ei gwaith diwethaf
• cyfeiriad arferol ar ddyddiad y geni
• dyddiad priodi, os yn briod â thad y plentyn ar adeg y geni
• nifer o blant blaenorol gyda'r gwr presennol a chyda unrhyw wr blaenorol

Mae'n bwysig iawn bod y wybodaeth a gofnodir yn y gofrestr genedigaethau yn gywir. Os gwneir unrhyw gamgymeriad, er enghraifft wrth sillafu enw neu gyfenw neu yn nisgrifiad gwaith y tad neu'r fam, bydd hyn yn achosi cryn drafferth i'r rhieni neu'r person arall a gofrestrodd yr enedigaeth. i'w gywiro. Dylai'r person sy'n cofrestru'r enedigaeth wirio'r wybodaeth sydd i'w chofnodi yn y gofrestr yn ofalus iawn cyn i'r cofnod gael ei lofnodi.

Os nad Saesneg yw mamiaith y fam neu'r tad a bod angen help wrth gofrestru'r enedigaeth, byddai o gymorth petai perthynas neu gyfaill yn dod gyda hwy i swyddfa'r cofrestrydd i gyfieithu. Fodd bynnag, rhaid i'r rhieni gofrestru'r enedigaeth yn bersonol gan na all perthynas na chyfaill gofrestru yn eu lle.

Mae rhagor o wybodaeth ar gael ynghylch cywiro manylion mewn cofrestriad geni.

Pa dystysgrifau a roddir?

Ar ôl cofrestru genedigaeth, rhoddir tystysgrif geni fer yn rhad ac am ddim sy'n dangos yr enw, y rhyw a dyddiad a rhanbarth y geni.  Mae'r dystysgrif fer yn diwallu'r rhan fwyaf o anghenion ond mae tystysgrif geni lawn, sydd yn gopi cyflawn o gofnod y gofrestr, ar gael hefyd. Gellir prynu rhagor o dystysgrifau byr a thystysgrifau llawn ar adeg y cofrestru neu ar unrhyw adeg wedyn. Mae rhagor o wybodaeth ar gael ynghylch cael tystysgrifau.