Dros y 2–3 blynedd nesaf bydd mwy na £40 miliwn yn cael ei fuddsoddi yng Nghanol Tref Llanelli. Bydd prosiect ADREF yn “gonglfaen” a ddaw â phob un o elfennau cynllun canol y dref ynghyd a’u cryfhau. Un o brif elfennau cynllun ADREF yw Grant Gwella Trefi i annog gwelliannau i elfennau gweladwy tu blaen eiddo masnachol mewn ardaloedd allweddol. Bydd y Grant Gwella Trefi yn galluogi busnesau cymwys i wella tu blaen adeiladau.
Prosiectau Cymwys
Prosiectau a fydd yn gwella tu blaen adeiladau busnes os yw'r prosiectau hynny:
- yn diogelu swyddi sydd eisoes yn bodoli/creu swyddi newydd
- yn Ardal Cynllun Datblygu Canol Tref Llanelli
- yn cyflogi llai na 10 o bobl a bod ganddynt drosiant o lai nag £1.36 miliwn
Y Gwaith Cymwys
Bydd yn cynnwys:
- Adnewyddu tu blaen siopau
- Ailrendro
- Ffenestri newydd
- Arwyddion
- Cafnau a pheipiau dŵr glaw
- Paentio
Gwaith nad yw'n gymwys
- Gwaith atgyweirio a chynnal a chadw arferol
- Gwaith sy'n ymwneud ag iechyd a diogelwch a gofynion statudol e.e. mynediad ar gyfer pobl anabl
- Gwaith na fydd yn cyfrannu'n helaeth at wella amgylchedd yr ardal yn gyffredinol, e.e. gwaith i ochrau adeilad nad ydynt yn cael eu gweld gan y cyhoedd
Y Meini Prawf ar gyfer Asesu
Asesir y prosiectau ar sail:
- Nifer y swyddi sy'n cael eu diogelu/creu
- Nifer yr adeiladau a gaiff eu gwella
- Ansawdd y dylunio
- Nifer y busnesau sy'n gweithio mewn partneriaeth i wella'r ddelwedd amgylcheddol
Y Grant
Rhaid i'r ymgeiswyr ddangos bod angen cymorth ariannol arnynt. Os bydd achos o'r fath wedi'i dderbyn, gall ymgeiswyr wneud cais am hyd at £15,000 neu 75% o holl gostau cymwys y prosiect yn dibynnu pa un yw'r lleiaf.
I gael rhagor o fanylion, cysylltwch â Simon Rees, rhif ffôn 01554 742173 SCRees@sirgar.gov.uk neu Michael Morgan, rhif ffôn 01554 743587 MiAMorgan@sirgar.gov.uk
Cliciwch yma am esiamplau o brosiectau blaenorol ag ariannwyd gan Gynlluniau Grant Gwella Trefi