Datblygwyd y Manylion Adeiladu Achrededig i helpu'r diwydiant adeiladu i gyflawni'r safonau perfformiad sy'n ofynnol er mwyn dangos cydymffurfiaeth â gofynion effeithlonrwydd ynni (Rhan L) o'r Rheoliadau Adeiladu.

Mae'r manylion a'r adran ragarweiniol yn canolbwyntio ar sicrhau inswleiddio di-dor (gan leihau i'r eithaf ar fylchau oer) a sicrhau bod yr adeilad yn aerglos. Nid eu bwriad yw rhoi cyfarwyddyd manwl ar agweddau eraill ar berfformiad megis rheoli anwedd, awyriad, ac ati sy'n rhaid eu hystyried hefyd gan y tîm dylunio ac adeiladu.

Mae'r manylion yn cynnwys rhestrau gwirio a ddylai gael eu defnyddio gan y Dylunydd, yr Adeiladwr a'r Corff Rheoli Adeiladu er mwyn dangos cydymffurfiaeth.

Mae'r manylion wedi cael eu rhoi mewn grwpiau yn ôl y math o adeiladu generig. Argymhellir yn gryf fod yr adran ragarweiniol yn cael ei darllen ar y cyd â'r set benodol o Fanylion Adeiladu Achrededig er mwyn cael gwell dealltwriaeth o'r egwyddorion sy'n sail i'r manylion.