Croeso i gynllun ar y cyd newydd Sir Gaerfyrddin ar gyfer ailgylchu, compostio a chasglu sbwriel.

Bellach, bydd eich deunyddiau ailgylchu a'ch sbwriel yn cael eu casglu ar yr un dydd, ond un am yn ail wythnos â'r llall. Bydd eich gwastraff bwyd yn cael ei gasglu bob wythnos.

Bydd y cynllun hwn yn cymryd lle unrhyw gynllun yr ydych yn rhan ohono ar hyn o bryd.

Byddwch yn cael:

Bagiau glas ar gyfer pob deunydd ailgylchu sych, gan gynnwys papur, cardfwrdd, caniau a phlastigion. DIM GWYDR.

Bin gwyrdd a chadi cegin brown ar gyfer pob gwastraff bwyd boed wedi ei goginio ai peidio.

Bagiau du ar gyfer gwastraff arall na ellir ei ailgylchu na'i gompostio. Bydd sbwriel cyffredinol yn cael ei gasglu mewn bagiau du yn unig.

Cewch roi hyd at BEDWAR bag du (maint safonol) allan i'w casglu bob pythefnos.

Os oes gennych wastraff lludw, cysylltwch â Galw Sir Gâr i gael cyngor drwy ffonio 01267 234567.