Cartrefi fforddiadwy yw cartrefi o safon da, ar rent neu ar werth, gyda phrisiau sydd o fewn cyrraedd y mwyafrif o deuluoedd lleol.

Rydyn ni eisiau helpu cymaint o bobl leol â phosibl i ddod o hyd i gartrefi sy’n diwallu eu hanghenion.  Felly rydyn ni’n defnyddio pob ffordd sydd ar gael i ddarparu cartrefi fforddiadwy.
 
Mae’n hollbwysig hefyd bod cartrefi’n aros yn fforddiadwy yn y dyfodol.  Ar gyfer cartrefi fforddiadwy ar werth, mae’n rhaid cael cytundeb cyfreithiol y mae’n rhaid i’r prynwyr cyntaf a phob prynwr yn y dyfodol ei lofnodi. Ar gyfer cartrefi fforddiadwy ar rent, bydd lefel y rhent yn cael ei amddiffyn gan gytundeb cyfreithiol, neu oherwydd bod cymdeithas tai yn berchen ar yr eiddo ac yn ei reoli.

Beth mae'r Cyngor yn ei wneud?

Rydyn ni’n darparu tai fforddiadwy yn Sir Gaerfyrddin trwy:

• rhoi tir yr ydyn ni’n berchen arno ar gyfer tai fforddiadwy 
• defnyddio ein pwerau cynllunio i ofalu bod canran o dai newydd ar ddatblygiadau tai preifat yn rhai fforddiadwy sydd ar werth neu ar gael i’w rhentu gan bobl leol
• gweithio gyda chymdeithasau tai lleol i gynyddu nifer y cartrefi newydd sydd ar gael i’w rhentu a’u prynu
• hybu cymorthdaliadau i deuluoedd ar incwm isel i’w helpu i brynu cartrefi trwy’ Cynllun Cymorth Prynu
• gofalu mai dim ond i deuluoedd lleol y bydd cartrefi a gafodd eu prynu mewn ardaloedd gwledig dan y cynllun Hawl i Brynu cael eu gwerthu
• helpu cymunedau i sefydlu ymddiriedolaethau tir cymunedol
• hybu hunanadeiladu cymunedol
• ei gwneud hi’n haws i bobl wneud cais am dai fforddiadwy. 

Sut ydw i’n gallu dod o hyd i mwy o wybodaeth?

• gofynwch am ein cyhoeddiad Cam yn y cyfeiriad cywir – crynodeb o’n polisi ar dai fforddiadwy yn y canolfannau gwasanaethau cwsmeriaid
• ffoniwch ein Tîm Perchnogaeth ar 01554 742196 i drafod eich anghenion