Cynhaliwyd Te Mefus yng Nghapel Pen-y-groes yn ddiweddar i godi arian at un o achosion elusennol Cadeirydd Cyngor Sir Caerfyrddin eleni sef Cartref Hafan i rai sy’n dioddef o dementia.
Dywedodd y Cadeirydd y Cyng. Siân Thomas: “Codwyd £815 ar y dydd ac mae Banc Barclays wedi cytuno rhoi £700 o nawdd ychwanegol iddo.”
Yn y llun o’r chwith: Mrs Olive Davies, trefnydd yr achlysur; Mrs Marjorie Rogers, Gwraig Wadd; y Cyng. Siân Thomas, Cadeirydd Cyngor Sir Caerfyrddin, a Mrs Dorothy McDonald, Rheolwr Cartref Hafan.