Mae pobl ifanc yn Llanelli wedi dangos beth yw gwir ystyr  'Gweithredu gan Ieuenctid' drwy lanhau Parc Penymorfa.

Cafodd y parc graffiti ym Mhenymorfa, a gwblhawyd dan fenter Splash and Play, ei fandaleiddio â phaent gwyn.  Mae Cymunedau yn Gyntaf wedi gweithio ochr yn ochr â phrosiect SMART i drefnu ymgyrch lanhau gan bobl ifanc a gafodd y cyfle i baentio eu graffiti eu hunain ar un ochr wal graffiti'r parc.

Dywedodd Kelly Wood, Gweithiwr Datblygu Cymunedau yn Gyntaf: “Mae hyn yn ymwneud ag annog pobl ifanc i leisio'u barn am y problemau y maen nhw'n eu hwynebu a chymryd camau i fynd i'r afael â’r problemau hynny. Mae'n ymwneud â pherchenogi hefyd. Bydd gwaith y bobl ifanc hyn yno i'r holl gymuned ei werthfawrogi.”

“Y gobaith yw y bydd yr ymwybyddiaeth o effeithiau fandaliaeth yn cynyddu yn sgil y prosiect.”