Mae'r prosiect ar ffurf cynllun grant cyfalaf a fydd yn rhoi taliad i aelwydydd amaethyddol sy'n arallgyfeirio i faes nad yw'n ymwneud ag amaethyddiaeth.

 Bydd grantiau cyfalaf ar gael ar gyfer:

• Addasu adeiladau diangen
• Prynu offer cyfalaf

Amcanion y prosiect hwn yw:

• Cynnal a chynyddu incwm aelwydydd amaethyddol yn y Sir Gaerfyrddin wledig.
• Darparu'r adnoddau cyfalaf angenrheidiol i alluogi teuluoedd amaethyddol i arallgyfeirio i faes nad yw'n ymwneud ag amaethyddiaeth.
• Cadw pobl ifanc yn y diwydiant amaethyddol drwy eu helpu i ddatblygu ffynonellau incwm eraill a chyfleoedd cyflogaeth eraill.

Ardaloedd Cymwys

Grantiau Addasiadau yng Nghefn Gwlad

Cymorth grant gwerth rhwng £10,000 a £50,000 i addasu adeiladau fferm diangen er mwyn galluogi ffermwyr i arallgyfeirio i feysydd busnes newydd (nad ydynt yn ymwneud ag amaethyddiaeth).

Rhoddir blaenoriaeth i'r defnyddiau canlynol:

• Gweithgareddau sy'n gysylltiedig â gwasanaethau (cyfleusterau addysg, gofalu am blant a sgiliau cymdeithasol
• Gweithgareddau awyr agored a gweithgareddau sy'n darparu gwasanaethau ategol mewn perthynas â phrif atyniadau i dwristiaid
• Gwella cyfleusterau i'w gosod i fusnesau
• Siopau fferm

Rhaid i'r sawl sy'n derbyn grant gyflogi ymgynghorydd proffesiynol sy'n meddu ar y cymwysterau priodol i asesu tendrau, i oruchwylio gwaith, ac i gyflwyno tystysgrifau ar gyfer gwaith a gwblheir. Gellir talu am hyn drwy’r grant am hyd at 15% o gyfanswm costau'r prosiect ar yr amod ei fod wedi cael ei gynnwys yn y ffurflen gais a bod cytundeb ysgrifenedig gan y Cyngor Sir.

Grant Offer Cyfalaf

Mae rhwng £1,000 a £10,000 ar gael i helpu ffermwyr i brynu offer sy'n hanfodol er mwyn eu galluogi i arallgyfeirio i feysydd busnes newydd.

I gael rhagor o wybodaeth cysylltwch â Vivienne Davies, Rheolwr Prosiect Adfywio Ffisegol.