Cyllidir y cynllun Adeiladau Gwledig Diangen gan y Cynllun Datblygu Gwledig. Rhaglen gyllido dros saith mlynedd yw'r Cynllun Datblygu Gwledig, gyda'r bwriad o helpu datblygu cynaliadwy yng nghefn gwlad Cymru . Cyllidir y Cynllun Datblygu Gwledig gan Gronfa Amaethyddol Ewrop ar gyfer Datblygu Gwledig a Llywodraeth Cymru a bydd yn cael ei ddarparu ochr yn ochr â'r rhaglen Gydgyfeirio ar gyfer 2007-13.

Nod y prosiect yw helpu i adfywio’r Sir Gaerfyrddin wledig yn ffisegol ac yn economaidd drwy gynnig cymorth grant ar ffurf Grantiau Adeiladau Gwledig Diangen i'r sector preifat. Bydd y Grantiau Adeiladau Gwledig Diangen yn helpu i ddefnyddio adeiladau diangen yn y Sir Gaerfyrddin wledig at ddibenion busnes, a fydd yn creu swyddi newydd ac yn diogelu swyddi presennol. Rhoddir blaenoriaeth i geisiadau fydd yn dod â buddiannau amlwg i’r economi leol o ran nifer ac ansawdd y swyddi a gaiff eu creu a'u diogelu.

Meini Prawf Asesu a Blaenoriaethau

Dylai ymgeiswyr nodi y bydd y Cyngor Sir yn asesu'r prosiect yn erbyn amrywiol feini prawf fel a ganlyn:-

• Nifer y swyddi newydd parhaol a grëir.
• Nifer y swyddi a ddiogelir.
• Nifer yr adeiladau a gaiff eu gwella.

Gwerth am Arian – ar sail canran y grant y gofynnir amdano yng nghyswllt cyfanswm costau cymwys y prosiect.

Rhoddir blaenoriaeth i geisiadau fydd yn dod â buddiannau amlwg i’r economi leol o ran nifer ac ansawdd y swyddi uniongyrchol a gaiff eu creu, a bydd y grant yn amodol ar hynny.

Cymhwysedd

Gall unigolion, partneriaethau, cwmnïau bach cyfyngedig, cwmnïau cydweithredol, ymddiriedolaethau elusennol a sefydliadau gwirfoddol gyflwyno cais

Mae’n rhaid i'r adeilad i'w ddatblygu fod yn ardal y Cynllun Datblygu Gwledig. Cliciwch yma i weld map o ardal y Cynllun Datblygu Gwledig.

Abergwili	Cynwyl Gaeo	Llanfihangel Aberbythych	Llanybydder
Gogledd Tref Caerfyrddin	Talacharn	Llanfihangel-ar-Arth	Manordeilo a Salem
De Tref Caerfyrddin	Llanboidy	Llangadog	Sanclêr
Gorllewin Tref Caerfyrddin	Llanddarog	Llangeler	Llanismel
Cenarth	Llandeilo	Llangynnwr	Trelech
Cil-y-cwm	Llanymddyfri	Llangyndeyrn	Hendy-gwyn
Cynwyl Elfed	Llanegwad	Llansteffan

 
Mae'r grant wedi'i gyfeirio at ficrofusnesau. Y diffiniad o ficrofusnesau yw busnesau sy'n cyflogi llai na 10 o staff cyfwerth amser llawn ac y mae eu trosiant a gwarged yn llai na 2 filiwn ewro.

Ni fydd grantiau ar gyfer gwaith ar eiddo ar gael ond i berchnogion y buddiant rhydd-ddaliad yn yr eiddo neu i ddeiliaid prydles sydd i barhau am o leiaf bymtheg mlynedd arall ar y dyddiad pan ragwelir talu'r grant, ac sydd wedi derbyn caniatâd ysgrifenedig eu landlord i gwblhau'r gwaith arfaethedig

Nid yw'r grant ar gael i newid neu adnewyddu adeiladau diangen at ddibenion preswyl, amaethyddol na garddwriaethol.

Mae'r gwaith anghymwys yn cynnwys:- gwaith adnewyddu'n unig, lle na fydd defnydd adeilad yn cael ei newid; gwaith atgyweirio a chynnal a chadw arferol; gwaith sy'n ymwneud â gofynion iechyd a diogelwch; gwaith statudol; costau prynu; gwaith dymchwel sylweddol; tirweddu meddal; cyfarpar symudol - dylech ofyn am eglurhad gan y Cyngor Sir; gwaith sydd eisoes wedi cychwyn.

Y Grant

Bydd gofyn i ymgeiswyr ddangos bod angen cymorth arnynt.  Lle dangosir bod angen o'r fath, dylai'r ymgeiswyr wneud cais am y cyfraniad lleiaf sy'n angenrheidiol i sicrhau bod y prosiect yn cael ei gwblhau'n llwyddiannus.  Seilir y grant naill ai ar £20,000 am bob swydd a grëir / a ddiogelir neu ar 50% o gostau cymwys y prosiect, pa ffigwr bynnag sydd leiaf.  Ni ellir cael arian cyfatebol gan ffynonellau Cyngor Sir eraill ar gyfer y grant hwn.

Sut mae gwneud cais?

I gael rhagor o wybodaeth a ffurflen gais Rhan 1, cysylltwch â'r canlynol:

Vivienne Davies
Rheolwr Prosiect Adfywio Ffisegol

Cliciwch yma am esiamplau o brosiectau blaenorol ag ariannwyd gan grantiau tebyg.