Mae’r rhan fwyaf o Brosiectau Adeiladu yn gorfod cael eu cymeradwyo trwy’r Rheoliadau Adeiladu, ac maen nhw’n cynnwys:-

l Adeiladu Tŷ, Swyddfa, Siop, Ffatri, Gwestai, Ysgolion newydd a llawer o fathau eraill o adeiladau.

l Rhoi estyniad ar unrhyw adeilad, oni bai fod yr estyniad yn borth neu lolfa haul (gweler isod).

l Newidiadau adeiladweithiol a wneir ar adeiladau, ee. dymchwel waliau sy’n ysgwyddo baich.

l Newidiadau i systemau draenio, systemau gwresogi a systemau dŵr twym.

l Newidiadau mewnol i adeiladau masnachol sy’n effeithio llwybrau dianc adeg tân.

l Adnewyddu elfennau thermol

l Inswleiddio Waliau Ceudod.

l Tanategu.

l Ffenestri Newydd.

l Rhai mathau o newid defnydd Adeiladau.

Mae rhai prosiectau wedi’u heithrio o Reoliadau Adeiladu, ac maen nhw’n cynnwys:

l Y rhan fwyaf o Adeiladau Amaethyddol.

l Adeiladau Dros Dro na fwriedir iddynt fod yn eu lle am fwy na 28 diwrnod.

l Adeiladau Ar Wahân nad ydynt yn cynnwys unrhyw gyfleusterau cysgu ac nad yw eu harwynebedd llawr yn fwy na 15m2 ee. siediau gardd.

l Adeiladau Ar Wahân nad yw eu harwynebedd llawr yn fwy na 30m2 nad ydynt yn cynnwys unrhyw gyfleusterau cysgu ac sydd i raddau helaeth yn anhylosg neu sydd wedi’u lleoli o leiaf 1m o ffiniau’r eiddo ee. Modurdai sengl neu ddwbl bychan ar wahân sydd wedi’u hadeiladu o waith maen.

l Pyrth nad yw eu harwynebedd llawr yn fwy na 30m2 ar yr amod fod y drws yn cael ei gadw yn safle presennol y drws ffrynt.

l Lolfeydd Haul nad yw eu harwynebedd llawr yn fwy na 30m2 ar yr amod fod y lolfa haul wedi’i gwahanu o’r tŷ, ei fod yn adeilad unllawr, wedi’i adeiladu’n bennaf o wydr a bod iddo do lled dryloyw.

l Pyrth Ceir sy’n agored ar ddwy ochr o leiaf.

l Llwybrau gorchuddiedig.

l Gwaith a gyflawnir gan Bersonau Cymwys

Os ydych yn amau o gwbl a oes angen caniatâd Rheoliadau Adeiladu ar eich prosiect chi, cysylltwch â ni ac fe fyddwn yn falch o’ch cynghori.