Wyddoch chi fod 28,000 o bobl ifanc mewn addysg yn Sir Gâr, gyda 1,700 o athrawon a 132 o ysgolion?

Mae'r adran hon yn cynnwys gwybodaeth ar ystod eang o faterion, gan gynnwys: ffurflenni cais i ddod yn llywodraethwr ysgol, a gwybodaeth ar Ddysgu Gydol Oes yn Sir Gâr.

Mae Cyngor Sir Caerfyrddin wedi ymrwymo i ddarparu gwasanaeth addysg a fydd yn sicrhau mynediad cyfartal ar gyfer pob plentyn, person ifanc, ac oedolyn i gyfleoedd addysg o safon.  Bydd hyn yn galluogi pawb i gyrraedd eu potensial llawn yng nghyd-destun natur unigryw ddwyieithog y sir.

EIN GWELEDIGAETH..... yw bod yn adran integredig arloesol sy'n cefnogi pob plentyn a pherson ifanc, ac yn hyrwyddo dysgu gydol oes.

EIN CENHADAETH.... yw gwneud ein cyfraniad ni i ddarparu'r gwasanaethau cyhoeddus gorau posib i Sir Gâr. Mae'r cyfan o'n gwaith wedi'i ffocysu ar gefnogi plant a phobl ifanc, a hyrwyddo dysgu gydol oes.

Fe fyddwn yn:

• Darparu mynediad cyfartal i ystod o wasanaethau cynhwysol o safon sy'n dangos gwerth am arian.
• Cefnogi teuluoedd a diogelu plant rhag cael eu cam-drin.
• Darparu amgylchedd dysgu o safon sy'n hwyluso safonau cyrhaeddiad uchel.